Янгын куркынычсызлыгы буенча өйрәнүләр узды

2017 елның 20 октябрендә  Лениногорскның Лениногорск шәһәр суды һәм җәмәгать судьяларының 4 участогы урнашкан  Гадел хөкем йортында  янгын куркынычсызлыгы буенча өйрәнүләр узды. Аның кысаларында шартлы янгын чыккан очракта һәм кешеләрне эвакуацияләгән чакта кирәкле күнекмәләр ныгытылды.

Өйрәнүләр Суд приставлары федераль хезмәтенең Татарстан Республикасы идарәсе, Татарстан Республикасы Гадәттән тыш хәлләр министрлыгы, Татарстан Республикасы Эчке эшләр министрлыгы, ашыгыч медициа ярдәме хезмәте белән берлектә җәмәгать судьялары һәм аларның аппаратлары хезмәткәрләре катнашында уздырылды.

Өйрәнүләрне уздырганда анда Татарстан Республикасы юстиция министры урынбасары Н.В.Рагозина, Суд приставлары федераль хезмәтенең Татарстан Республикасы идарәсе җитәкчесе урынбасары А.В.Михайлов, Суд департаментының Татарстан Республикасы идарәсе башлыгы урынбасары Ю.Г.Мягков, Лениногорск шәһәр суды рәисе И.Р.Хаев һәм Татарстан Республикасы Юстиция министрлыгының җәмәгать судьялары эшчәнлеген тәэмин итү бүлеге башлыгы А.В. Воробьёв катнаштылар.

Башкарылган эшкә нәтиҗә ясап, мондый өйрәнүләр уздыруның әһәмияте бик зур булуы билгеләнде. Мондый өйрәнүләр килеп чыгуы мөмкин булган янгыннар, гадәттән тыш хәлләр очрагында әзерлек дәрәҗәсен ачыклау өчен уздырылалар, үзара хезмәттәшлек, оперативлык, бүлекчә хезмәткәрләренең әзерлеген тикшерергә ярдәм итәләр.

Министрлык барлык катнашучыларга да оешкан эшчәнлек өчен рәхмәт белдерә һәм мондый хәлләр бары тик өйрәнүләр рәвешендә генә уздырылсын дигән теләктә кала!